ترتيب شنطة السفر | Arranging Travel bag

حنتكلم اليوم عن ,, كيف ارتب شنطتي حقت السفر ؟

طيب ، اول شي حتكلم عن ثلاثة اشياء 

هيا : 

1) كيف ارتب الحقيبة الكبير . 

2) كيف ارتب حقيبة الاكسسوار و المكياج . 

3) شنطة مستحضرات النظافة والجسم .

4) و ايش محتويات الهاند باق او حقيبة اليد. 

الموضوع جدًا سهل و طبعًا انا اختصر الموضوع مره عشان يسهل عليكم اكثر ،، نبدأ في اول نقطة 

1) كيف ارتب الحقيبة الكبيرة ؟ 

شوفوا هذا الفيديو على الانستقرام مختصره كلامي اللي حقولوا الحين في فيديو من 15 ثانية ... 

http://instagram.com/p/lpo4LeD1_j/

طيب نبدا نتكلم ، اذا شفتي الفيديو حتعرفي انو مو لازم نعبي الشنطة جينز و بناطيل و ليقينز !! 

يكفي ناخذ ثلاثة او اربعة مع كم سكيرت ، ونكثر من البلايز او التيشيرت و اللي تبغي

بس ناخذ بناطيل تنفع مع اي شي و كل شي .. 

كمان استغرب من اللي ياخذو الجزم ( الله يكرمكم ) كلها ! او ياخذو اكثر من اربعة 

انا اشوف ناخذ هيلز مريح جدًا ولونو يكون اساسي 

فلات برضو بكون مريح و جزمة رياضة ❤️ 

و كمان لو شفتوا كيف حطيت واحد من السكارڤات في الشنطة عشان اوفر مساحة ❤️❤️. 

2) كيف ارتب حقيبة الاكسسوارات والمكياج ؟ 

الاكسسوارات :

ماحتكلم فيها كثير لاني وضحت في الفيديو هذا طريقة الترتيب ❤️

http://instagram.com/p/lpxMjoj18o/

بس اهم شي جيبي العلب البلاستيك الصغيرة و حطي الحلقان فيها عشان لاتضيع عليك ، ولو تبغي سوي

نفس الحركة مع الاساور ❤️❤️، والسلاسل تكون تنفع مع اي لبس ..غلفي كل قطعة لوحدها عشان لا تتشابك وتتعبك ، 

و لو شفتي في اساور ممكن تكون ربطات كمان كذا تكوني وفرتي مكان❤️، وخذي الخواتم اللي تجي مجموعة

كبيرة مع بعض . 

المكياج : 

خذي باليت يكون فيه اي شادو الوان اساسية ويكون خفيف و مايتكسر .. وتغليفه او العلبة تكون كويسة ، 

وباليت نيكد اللي فيه بلشر و برونز و إضاءة جدًا مفيد للسفر .. و ناخذ الفرش اللي نحتاجها ❤️.

ولا تنسي واقي الشمس و مرطب ، غير المكياج اللي حتكون في الهاند باق حقتك❤️❤️. 

3) شنطة مستضرات النظافة و الجسم : 

انا كتبت شنطة مستحضرات النظافة والجسم ، بس مو شرط يكون عندك شنطة ❤️. 

لو كانت اغراضك قليل ممكن تشتري من H&M و ماركس & سبنسر الشنطة الصغيرة

اللي تجي فيها علب وتعبيها بالاشياء اللي حابة تاخذيها (( و تقفليها كويس وتغلفيها )).. عشان لا توسخ ملابسك ❤️، 

بس لو اغراضك كثير يفضل تاخذي شنطة صغيرة جدًا و تحطي فيها كل اغراضك ، 

وتغلفيها بكذا حتتطمني انها ما حتوسخ اغراضك لانها في شنطة لوحدها ❤️، وتكون معاكي في الطياره ولو كانت كبيرة

خليها في الشحن ... لاتنسي شيء من اغراضك المهمة خذي المرطب و مزيل المكياج و المقشر و

اي شي تحسي انك حتحاجي في السفر ❤️❤️.  

4) محتويات حقيبة اليد : 

اول شي اختاري هاند باق خفيفة للمطار ، ولو تلاحظي حطيت السكارف عالشنطة عشان نوفر مكان، 

وممكن لما توصلي المكان غيريها وخذي اللي تنحط على الخصر ..

الفيديو وضحت فيه اشياء اللي تحطيها جوا ♥️: 

http://instagram.com/p/lp4eJeD14N/

بعد ماتوصلي وتفضي هذي الشنطة ، حتحطي اشياء اساسية جدًا زي مني موضحة في الفيديو 

بنس ، ربطات شعر ، فرشة شعر ، مكياج خفيف ، نوت تكتبي فيها ، نظارتك ، مرطب ، مصحف ، سماعات ، مناديل معقمة 

ولو كنتي مسافرة برى لا تنسي جواز السفر وبطايقك و كل شوي اتاكدي اذا هيا معاك ❤️❤️

وبس إن شاء الله يكون موضوع خفيف و مفيد❤️❤️,,  

                                            

                                                          اتمنى لكم إجازة سعيدة ❤️

اي سؤال او استفسار : 

Instgram : @Aev_fashion

Emali : aevfashion@gmail.com