السلام عليكم جميلاتي ..
اليوم الموضوع شوي طويل .. بس إن شاء الله حيكون مره مفيد
انواع الاجسام :
١) المستطيل
٢) الفراولة او المثلث
٣) الساعة الرملية
٤) الكمثري
٥) التفاحة
حتكلم اول شي عن المستطيل :
اول شي في ناس يسموا المستطيل الموزه فكل الاسماء تؤدي إلى روما .. المهم
الانيقة انجلينا جولي جسمها مستطيل ♥️.
الجسم المستطيل ماجتكلم عنه كثير لان بإختصار ياصاحبة هذا الجسم البسي اللي يعجبك و لاتخلي ولا شي في خاطرك !
تقدري تلبسي كل التنانير باشكالها والبناطيل والفساتين وكل شي ، لكن حاولي تاخذي اشياء فيها قصات و كسرات
عشان تعطي شكل لجسمك يعني مثلا حزام عريض جدًا ♥️.
اعرضلكم كم تنسيق يبين انك تقدري تلبسي اي شي براحتك عادي ♥️_♥️ - بس في اشياء حكتبها تتجنبوها -
زي مالاحظتوا تقدروا تلبسوا كل شي لكن ! .. حاولوا ماتهملوا الرياضة خاصة ( الخصر و الارداف )
عشان مايكون جسمك عامودي ومافيه اي معالم انوثة ♥️.
الاشياء اللي لازم تتجنبها ذات الجسم المستطيل :
الخطوط العامودية ، القصات الملفتة عالخصر عشان لاتلفت النظر لخصرك ، تجنبي تتعدي الوزن المثالي لان الدهون حتتوزع على جسمك كله حتى خصرك فحيكون شكلك عريض شوي ♥️
ثاني شي حتكلم عنه الفرولة / المثلث :
عالنوع قريب جدا من التفاحة لكن احس هذا يكون من منطقة الارداف انحف وهذا النوع عكس الجسم الكمثري تمامًا .
مثال لهالنوع من الاجسام العارضة الفاتنة : ناعومي كامبل ♥️♥️
حقول الاشياء اللي تناسب ذوات الجسم الفراولة / المثلث ( وممكن نضيف التفاحة ) :
١) لو كنتي عريضة جدا من المنطقة العليا البسي اشياء ملفتة في المنطقة السفلى زي شوز ملفت
٢) شوفوا اول صوره لناعومي من اليمين الحركة اللي تحت صار جسمها كانو الساعة الرملية وسوت تناسق وهذي خدعة جميلة♥️
٣) تلبسي تنانير ( بكسرات او بخطوط عرض ) زي في الصورة الثانيه والثالثة
٤) حاولي تلبسي بلايز او فساتين بقصة ٧ لانها تناسبك ♥️
وحعرض كم تنسيق تناسب ذوات الجسم المثلث/ الفراولة ( وايضا التفاحة ) ♥️_♥️
تجنبي تلبسي اشياء ملفته للمنطقة العليا او تكون فيه حركة على الكتف لان بيعطيك منظر اكبر من فوق ♥️
ثالث نوع وهو الساعة الرملية :
ومثال لهذا النوع الانيقة جيسيكا بيل ♥️_♥️:
يحتاج اتكلم عن هذا الجسم ؟ .. طبعًا يسمونه الجسم المثالي والجذاب
اهم شيء اهتموا في جسمكم وخصركم ، طبعًا هو يجي متسواي من المنطقة العليا والسفلى بس يكون عندهم خصر جذاب ♥️
وحعرض تنسيقات لذوات الجسم المثالي ♥️_♥️...
ومو عشان انتي الجسم المثالي تنسي الرياضة وتنسي تهتمي في جسمك ، حافظي على خصرك ولو ماكان عندك اظهريه
وكمان اختاري ملابسك باتقان عشان ماتقلبي الجمال و المثالية اللي في جسمك ♥️
رابع نوع حتكلم عنه وهو الجسم الكمثري :
ومثال عليه جينفير لوبيز وانا اشوفها ايقونة الفاشن ♥️_♥️
الجسم الكمثري يكون نحيف من فوق و ممتلئ من الأسفل .. عشان كذا حنحاول نبرز المنطقة العليا و نخفي النظر عن الأسفل
عكس مين ؟ بالضيط عكس جسم الفراولة / المثلث المقلوب ( والتفاحة احيانًا ) ♥️.
كيف نبرزها ؟ تلبسي تنوره على شكل A وتكون مرتفعة و كمان يكون في قصات كثير على الاكتاف نحاول تكون منطقة الورك مافيها اي شي يبرزها اكثر ♥️..
وحعرضلكم كم تنسيق :
وشوفوا في كل التنسيقات كنت حاطة شيء ملفت فوق ، ومن تحت كان عادي .. والتنانير كان خصرها مرتفع ♥️
في النهاية حابة اقول قرأت بنات كثير كاتبين جسمي ( مستطيل / تفاحة / ساعة رملية / كمثري ) ونفسي يكون شي ثاني
كلنا كلنا اجسامنا حلوه بس الرياضة والرياضة و اختيار الملابس المناسبة لجسمنا ♥️.
من جد اتمنى التدوينة تفيدكم و وصلت كل شي كويس ، الموضوع صعب مره و الاصعب انو بالكتابة يعني لو كان شرح وجه لوجه حيكون مره اسهل ويثبت اكثر ♥️.
وشكرًا لانكم قرأتوا التدوينة كامله واعتذر للتأخير و لطول التدوينة بس حاولت ما انسى شي ♥️.
شكرا انا جسمي الساعه الرمليه بس بق بق ههههههههههه بجد استفدنا
ردحذفشكرا ي جميلة
ردحذفشكرا مرا كان حلو موضوعك , انا فراولة
ردحذفشكرا ياعسل عالمعلومات القيمة، وانا جسمي الكمثرى.
ردحذفتسلميييين استفدت حيل الله يعطيج الف عافية ❤️❤️
ردحذفيعطيك العافية ، وصلت المعلومة 😊
ردحذفمشكوورة مرة لك وانا جسمي المستطيل
ردحذفشكرا الساعة الرملية أنا؟ اكيد ما ننساء الرياضة شيء مهم
ردحذفوالله انا معرفت لأي شكل ينتمي جسمي
ردحذفوالله انا معرفت لأي شكل ينتمي جسمي
ردحذفوالله انا معرفت لأي شكل ينتمي جسمي
ردحذف